ટીમ ઈન્ડિયામાંથી આ સ્ટાર ખેલાડી થયો બહાર, ઈંગ્લેન્ડ સામે નહીં રમે

 

શ્રેયસ અય્યર ઇંગ્લેન્ડ સામેની છેલ્લી બે વનડે મેચમાંથી બહાર થઈ ગયો છે. તે આઇપીએલ 2021 માં દિલ્હી કેપિટલ્સ માટે પણ શરૂઆતની કેટલીક મેચ પણ ગુમાવી શકે છે.

• ટીમ ઈન્ડિયાને લાગ્યો મોટો આંચકો 
• શ્રેયસ અય્યર ઇજાગ્રસ્ત, શ્રેણીની બે વન ડે ગુમાવશે
• આઈપીએલની શરૂઆતી મેચો પણ ગુમાવી શકે છે અય્યર 

ભારતીય ટીમે ઇંગ્લેન્ડ સામેની ત્રણ વનડે સિરીઝની પહેલી મેચ જીતી લીધી છે. ભારતે પ્રથમ મેચ 66 રનના માર્જિનથી જીતી લીધી હતી અને હવે તેમની નજર બીજી મેચ જીતવા પર છે, મહત્વનું છે કે આ અગાઉ ટેસ્ટ અને ટી -૨૦ શ્રેણી ભારત પહેલા જ કબજે કરી ચૂક્યું છે, અને હવે ભારતની નજર આ વનડે શ્રેણી પણ જીતીને વધારે આત્મવિશ્વાસ મેળવવાની હશે. 

ટીમ ઈન્ડિયાને લાગ્યો મોટો ઝટકો 

નોંધનીય છે કે આ શ્રેણીની બીજી વનડે મેચ 26 માર્ચે રમાનાર છે, પરંતુ આ પહેલા જ ટીમ ઈન્ડિયાને મોટો ઝટકો લાગ્યો છે. ટીમ ઈન્ડિયાના મિડલ ઓર્ડરના આધાર સમા બેટ્સમેન શ્રેયસ અય્યરને ઇજા થઈ છે, જેના કારણે તે બાકીની બે મેચમાંથી બહાર થઈ ગયો છે. નોંધનીય છે કે પહેલી મેચમાં અય્યર ઈંગ્લેન્ડના ઓપનર જોની બેરિસ્ટોના એક શૉટને રોકવાના ચક્કરમાં તેના ડાબા ખભા માથે પડી ગયો હતો, જેથી તેનો ખભા ખસી ગયો હતો. તે સમયે તે પીડાથી કણસતો અવાજ કરી મેદાનની બહાર નીકળી ગયો હતો.

અય્યરની છેલ્લી બે વન-ડે મેચમાંથી બહાર નીકળવાનો બાકી છે, પરંતુ તે આઇપીએલ 2021 માં દિલ્હી કેપિટલ માટે પહેલી કેટલીક મેચ પણ રમી શકશે નહીં. દિલ્હી કેપિટલ્સના કેપ્ટન અય્યરને સર્જરીની જરૂર પડી શકે છે અને જો આવું થાય, તો તે લગભગ બે મહિના સુધી મેદાનથી દૂર રહેશે.

સૂર્યકુમાર યાદવને પદાર્પણની તક મળી શકે છે

અય્યરની ગેરહાજરીમાં સૂર્ય કુમાર યાદવ ભારતીય ટીમ માટે સારો વિકલ્પ બની શકે છે. તે વનડે ક્રિકેટમાં ડેબ્યૂ કરી શકે છે. તેણે આ મહિને ઇંગ્લેન્ડ સામેની ટી -20 ક્રિકેટમાં ડેબ્યુ પણ કર્યું હતું અને પ્રથમ મેચમાં તેણે અર્ધસદી ફટકારી હતી. જો મેનેજમેન્ટ સૂર્યને તક ન આપે તો તેની પાસે રિઝર્વ તરીકે પંત પણ સારો વિકલ્પ છે. તે જ સમયે, રોહિત શર્મા પર આગામી મેચ રમવા માટે અટકળો કરવામાં આવી રહી છે, કારણ કે તે પ્રથમ મેચમાં પણ ઈજાગ્રસ્ત થયો હતો. જો અય્યર  અને રોહિત આઉટ થાય તો પંત અને સૂર્યકુમાર યાદવને મિડલ ઓર્ડરમાં તક મળી શકે છે.